08.03.2010

Yekitimedia/ Gelawej- Li gor jêderên mafnasî yên sûrî, hêzên ewekariya dewletê keça 19 salî, Tal Elmilûhî berî 2 mehan ji ber nivîsên wê ew girtine.

Di 27/12/2010an de ew vexwestibûn lêpirsînê, piştre vedorgerokek ewlekariya dewletê bi ser mala wê de girtin, ew girtin û dest danîn ser kompyûtera wê.

Tal Elmilûhî hîn ji girtî ye û malbata wê nikarin ti agahiyan bi dest bixin.

Tal di 1991 li Hims ji dayik bûye, ew tê naskirin bi jîrbûn û zanebûna xwe. Di bloga xwe de gelek gotar û helbest nivîsîne.

Tal ne yekem jina girtî ye û wê ne ya dawî jî be heta ko desthelata Ba`sî , ya ewlekarî û devgemkirinan hebe û rê nede hemwelatiyên xwe bi azadî xwe derbirînin û hevbeş bin di avakirina welatekî demokrat û wekheviyê misoger bike.

Rejîma sûrî berî demekê nivîskara sûrî Rexda Hesen jî girtibû ji ber raman û nivîsên wê.

Herweha di 2/3/2010an de çalakvana kurd, endama dezgeha kurdî ya mafên mirov Nadire Ebdo hatibû girtin û ew piştî 3 roja serbest hate berdan.

Ji bo wan, ji bo gelekên weke wan û ji bo hemû jinên tekoşer û wêrek di zindanên rejîma Ba`s de: 8ê adarê hêvî be, xebat be, azadî be, pîroz be!